البعض يفضلونها .. حمقاء

البعض يفضلونها قطة مغُمضة، حتى يستطيعون استلاب ما يريدونه منها دون أن تشعر، يفضلونها حمقاء حتى لا تعلم شيئًا عن خداعهم وغشهم، يفضلونها حمقاء حتى يجدوا دائمًا سببًا للومها واستعراض قوتهم عليها، يفضلونها حمقاء حتى يجدوا سببًا كي يتركوها حين يملون منها.

يفضلونها حمقاء.. كي تتحمل ما لا يطاق لأنها تظن أنها بدونهم ستموت جوعًا وعطشًا، وأنها لن تقو على حماية نفسها.
يفضلونها حمقاء.. لأن الحمقاء وحدها ستطيعهم طاعة عمياء.. يفضلونها حمقاء حتى لا تحيرهم.. ولا تشغلهم.. كي يتركونها في المنزل كأي آلة دون أن يلقون لها بالًا، ويتفرغون لأخرى تعرف كيف تتلاعب بالرجال.

في بلادنا.. المرأة الذكية للإعجاب فقط لا للزواج، في بلادنا المرأة الذكية.. مخيفة لأنها تفهم، ومن ثم.. فإنها تتمرد، في بلادنا.. الرجال يفضلون من يظنونها حمقاء.


10 comments:

  1. في كل أجازة ببقي حريص علي إني اقرأ الجديد بتاعك .. لكن إسمحيلي هأختلف معاكي في دي انا شايف و مقتنع تماماً إن الضمان الوحيد اللي الواحد يقدر يعتمد عليه في أي بنت هو عقلها لان عقلها هيمنع انها تغلط و هيهديها دايماً للحق و مش هيخليها تسمح لنفسها ابداً إنها تبقي في موقع غلط و كمان هيساعدها انها تعرف قيمة الراجل دا لو كان راجل بجدو هتبقي نعم السند و نعم المعين لانها أكيد هتشاركه في حاجات كتير و مش معقول هيجيب لنفسه عبء زيادة مش معقول يعني هيتجوز طوبه يشيلها علي كتافه اللي يفكر انه عاوز واحده حمقاء دا يبقي إنسان _خلينا نقول تفكيره غريب_ عشان مش نغلط

    ReplyDelete
  2. أزال المؤلف هذا التعليق.

    ReplyDelete
  3. مش كل الناس والله , بالعكس , اغلب الناس بيدوروا عالبنت المثقفة للجواز , عالاقل عشان تعرف تربيله ولاده صح

    ReplyDelete

  4. ايون ياساره

    والله عندك حق

    المشكله اساسا
    واللى حستها شخصيا ان الذكيه ديما مـُختزله

    ناخد اللى عندها وهوب يقوم ألش غيرها
    مبقتش تنفع خلاص

    فالازم نبقى شويه حمقاويين علشان ننفع

    شئ بجد مستفذ

    ReplyDelete
  5. المرأة الذكيه للأعجاب فقط لا للزواج
    ....
    أصبت كبد الحقيقة كما يقولون :)

    ReplyDelete
  6. هو فى احسن من ان الواحده تبقى ذكية انما بقى اللى عاوز واحده مغمضه ده بيعمل كده عشان هو اساسا مش واثق فى تصرفاته وعارف انه بيهيس من وراها ..... ده غير ان الواحده الصاحية المفتحة هتساعده كتير لو وقع فى مشكلة وهتحط ايديه على حلول مكانش يتخيلها وهتفتحله سكك كتير اوى وده بسبب احتكاكها وخبرتها ..... واساسا كده كده الغيرة و الشك بتفتح عيون اى قطه مغمضه مع مرور الوقت .

    وشكرا
    احمد ماهر

    ReplyDelete
  7. البعض يفضلونها حمقاء

    حتي لا يضطروا لتبرير ما هم فيه من حماقة

    تدوينة رائعة

    تقبلي تحياتي

    ReplyDelete
  8. تعرفي يا سارة ، انا واحد من الناس اللي لما بتشوف واحدة جميلة قوي بتفترض انها غبية. علشان كده لما بقابل واحدة جميلة و زكية(زيك مثلا) بندهش جدا.

    ReplyDelete
  9. وعلى فكرة ، معظم البنات اللي بقابلهم مبسوطين بدور "الحمقاء" و مش بيحاولوا يغيروه

    ReplyDelete